Plautdietsch jlitj berajchticht met Hochdietsch
Diss Artitjel erschiend enne Plautdietsch Frind, Nr. 40, Winta 2029, unja dee Ewaschreft: „20 Joah Plautdietsch FRIND – twee Jrinda vetale“. Oba dee Ennhault jellt uck vondoag.
Jrinda Peter Penner ewa siene Veastalinje ver 20 Joah
Etj sie enn dee tjliene Staudt Isilkul enn Siedwast-Sibirien oppjewosse. Enne Staudt lewde nich vele Plautdietsche (Menniste). Oba seeha vel enne omlidjende Darpa. Etj we enne Klauss dee eensja Plautdietscha.
Enn eene Schoolstund froch onse Klausselehrasche noh dee Heakunft vonne Schiela. Vele kunne dee grooßoatichste Jeschichte ewa eahre Veafohre vetale, etj oba nich. Bie ons enne Passa stund zwoa „Nationaliteet Dietscha”, oba tus red wie nich Dietsch, oba Plautdietsch. En Plautdietsch unjascheed sich zimlich vom Hochdietschen. Daut beweajd mie, meeha ewa miene Jeschicht to erfoahre. Auls wie noh Dietschlaunt kaume, haw etj vele Plautdietsche tjane jeleht, oba escht met Peeta Wiens haw etj eenen jefunge, dee jenausoo bejeistat fe plautdietsche Jeschicht en Sproak we.
Enne School sull Plautdietsch unjarecht woare
Etj meend, daut Plautdietsch jlitjberajchticht met Hochdietsch senne sull. Etj wull jern em Radio 1 LIVE opp Plautdietsch hiere, en Journale hawe, en enne School sull Plautdietsch unjarecht woare.
++++++
Eene Sproak bruckt een Hus
von Jrinda Peter (Peeta) Wiens
Eene Sproak bruckt een Hus. Jenau diss Jedanke we ons wichtich, aus wie ver 25 Joa daut Fundament fe dee Orgaisatioon Plautdietsch-Freunde e. V. moke. Dee Organisatioon es daut Hus. Een Hus, woo wie ons trafe, nobre, diskutiere en plone.
Enn Dietschlaunt pausst dee Struktua von eenem „eingetragenen und gemeinnützigen Verein“ seea goot fe soo een Hus. Fe dee neachste Joare wudd etj mie wensche, daut wie en disem Hus uck wiederhahn dee plautdietsche Sproak brucke, emma bruckboara moaka en emma beta dokumentiere. Twee Sache, ewa woone etj mie besondasch freie wudd: Wan emma meea plautdietsche Femiljes mank onse Lied en Europa en Amerika dee Meajlichtjeit haude, sich jeajensiedich to besetje – em Rehme von eenem Gaust- ooda Uttusch-Prograum. Daut aundre es dee plautdietsche Versioon vonne Wikipedia. Mucht se een auldachschet Instrument fe ons woare!
Tjitj uck: Auls Peeta Wiens ewa siene Muttasproak jrebbeld – Plautdietsch-Freunde e. V.
Een omdriewja plautdietscha Dach – Plautdietsch-Freunde e. V.
Plautdietsch-Freunde – Wikipedia