![Peeta Brun, Larissa Niebuhr, Dimitri Peters](https://www.plautdietsch-freunde.de/wp-content/uploads/2012/12/Bild-eins2.jpg)
oppmoatjsam: Peeta Brun, Larissa Niebuhr, Dimitri Peters.
„Stelle emm Launt?“ – nich needich
Plautdietsche Mensche sent seit Generatioone derch daut Lewe jeschoolt en jewant, aule Schwierichtjeite to meistere. Velmol enn onse Jeschicht we daut aum Basten fe ons, wan wie dee Klaup hilde en nich too seea opp ons oppmoatjsaum moke. Desweajens word wie uck dee „Stelle em Launt“ jenant. Dee Tiede sent tom grooten Deel vebie. Wea enn eene Demokratie lewt, kaun sich frie utdretje en woat doatoo oppjefoddat, siene Stemm to erhewe.
Enn disse Utgow, dee kort noh Wiehnachte rut tjemmt, stall wie Plautdietsche vea, dee opp besondere Oat opp sich oppmoatjsaum jemoakt hawe en erfolgreich sent: Larissa Niebuhr ess een Model en tratjt sich dee schmockste Tjleeda aun – obwohl wie doch emma vel Weet opp Schlichtheit lede. Adele Dyck foat mett dem kanadschen Premier derche Welt. Eene Fru opp Weltreise – sull dee nich aum Het stohne? Dimitri Peters ess dee stoatjsta Judo-Sportla enn Dietschlaunt – sull dee siene Krauft nich leewa tom Pleaje nehme? Peeta Brun vetallt oppe Bühne Witze – siene Ooma meent, daut sent moa Nuschtichtjeite. Benni Schulz haft den schmocksten Park jebut – uck fe nuscht, vedeent noch nich mol Jelt doamett.
Oba daut meen etj nich wertjlich soo: Disse Plautdietsche moake ons stolt, wiels wie uck daut Zeug doatoo hawe, ons to bewiese. Oba daut saul ons uck doatoo ermuntere, dee plautdietsche Kultua to pfleaje, wiels dee seea good fe ons ess, doarenn feehl wie ons goot.
Fiet goot Wiehnachte en Silvesta en bliewt onse „Plautdietsch Frind“ tru, dan woat it junt aul goot gohne.
Jun Horst Martens
Froage noh eenem Exemplar: info@plautdietsch-freunde.de / Froage nohm Inhalt: redaktionfrind@t-online.de