Arnold-Dyck-Pries fe Rudy Wiebe

Ehrung fe daut Lewenswoatj

Dee Plautdietsch Freunde en dee Tweeback Verlag veliehe den Arnold-Dyck-Pries fe daut Lewenswoatj 2024 aun den kanodschen Schreftstala Rudy Wiebe.

Rudy Wiebe haft eenen plautdietschen Hinjagrunt

Dee Autor ret Plautdietsch en haft eenen Deel von siene Betja ewa dee Mennonite jeschrewe – unja aundrem „Friede wird viele zerstören“, „Von dieser Erde. Eine mennonitische Kindheit im borealen Urwald Kanadas“ en „Wie Pappeln im Wind„. Eenje Wiebe-Betja sent uck biem Tweeback Verlag opp Dietsch erschiene.

Weltwiede Aunertjaninj

Aum Mondach, 7. Oktooba, dem 90. Jeburtsdach von Rudy Wiebe, tjrech dee Schriftstala eene Metdeelinj von Heinrich Siemens, dem Veasettenda vom Verein Plautdietsch Freunde en Ejna vom Tweeback Verlag. „Seit ewa 60 Joah oabeide See doaraun, daut dee plautdietsche Kultua weltwiede Aunertjaninj finjt“, schrifft Siemens. En tom Schluss „Eahre Betja sent emma bie ons“. Dee Pries es nich dotiet.

Dank von Rudy Wiebe

Rudy Wiebe haft sich uck fots „opprechtich“ bie dee Jury en Heinrich Siemens, Veasettenda vonne Plautdietsch Freunde bedankt: „’Wea haud sich daut jedocht!’“ wudd miene Mutta jesajcht hawe“, schrifft Wiebe. „Weahrent miene Schriewjoah word mie dee Bediedinj von Plautdietsch enn miene schreftstalarische Oabeit emma bewussta: Miene Eschtsproak, dee eensje Sproak, dee etj jeemols met miene Ellere jeredt haw, we fundamental – see bild dee Basis von mienem Dentje. Desweajens frei ejt mie wertjlich ewa disse Aunertjaninj.“

***

Arnold-Dyck-Pries: Waut ess daut?

Dee Arnold-Dyck-Pries ess eene 2020 jeschaufne Uttetjnung von Verein Plautdietsch Freunde en vom Tweeback Verlag fe Persoone, dee sich sich besondasch om dee plautdietsche Kultua vedeent jemoakt hawe. Frejoahsche Jewenna fe daut Lewenswoatj: Reuben Epp too sienen 100. Geburtsdach (2020), Jack Thiessen to sienem 90. Geburtsdach (2021) en nu Rudy Wiebe to sienem 90. Geburtsdach (2024).

Buta dee Ehrinj fe daut Lewenswoatj jefft daut den Pries uck fee eene aktuelle kulturelle Leistung. Dee eschte Priesdreajarin we dee Autorin en Bloggerin Elina Penner (2020) fe eah seeja erfolgritjet Bok „Nachtbeeren“ en doanoh Lilli Gebhard fe mennonitische Literatua (2022). Dee Dotierung besteiht ut dee Meajlichtjeit, een Bok biem Tweeback-Verlag drucke to lote. Dee Pries ess noh Arnold Dyck benant, eenem bediedendetn plautdietschen Schreftstala en Kultuaförderer ut Kanada.