Hundade Mensche stohne ver eene Aupthetj, Onse Lesasch hawe daut oppem eschten Bletj ertjant: Daut haundelt sich om Menniste. Dee „Farmacia“ Francisco de Asis ut Santa Cruz, Bolivien, haud eene Velossung – aule hope, daut see een Loss jewonne hawe.
Ditt enndrucksvolle Foto haft Fredy Hiebert jeschote. Wea dee „Mennonitische Post“ lest, woat den Maun tjane, hee ess Metoabeida bie dee „Post“. Hiebert beschrifft daut Foto enne Utgow 15 vom 10. Jaunua 2025 soo: (von Hochdietsch ewasat): „Kort ver Wiehnachte foahre dusende Mennonite ute Koloniee enne Provinzhauptstaudt Santa Cruz, om enntotjeepe oda aundre Jeschafte to erledje. Opp eenje Jeschaftsgausse kaun maun meist nich gohne, ohne opp Mennonite to steete. Dee „6 de Agosto“ en dee „10 de Agosto“ sent soone Gausse. Bie dee Aupthetj „San Francisco de Asís“ finjt aum 18. Dezamba eene Velossinj stautt. Kunde, dee enn dem selwjen Joah doa ennjekofft hawe, tjrieje een Loss, wan see fe eene bestemmde Somm ennjekofft hawe. Dusende Menniste haude sich nu (aum Enj Joah) doa vesaumelt en hopte, een Loss to jewenne.
Siehe auch: „Die Mennonitische Post“ feiert 40-jähriges Jubiläum | Welt der Täufer (anabaptistworld.org) / Dee Somma-Utgow ess rut: Nr. 41, 2020 – Plautdietsch-Freunde e. V.
Opp Hochdietsch: Ansturm auf eine Apotheke – Menno-Welt