Gaunz hawe dee mennische Kanodja daut Interesse aun Plautdietsch nich veloare. Daut bewiest daut Farm Fest Music Festival aum Sinnowend, 7. Septamba 2024, woo sich dee Mensche ut Winkler (Kanada) en Omjeajent to Musitj fe dee Familje ute Prärie troffe. David Toews we dee Top-Act fe plautdietsche Musitj.
Farm Fest Music Festival enn Winkler
To dee Hauptakteure tald David Toews, dee ut Paraguay staumt. Hee woawt fere Unjastettung von siene David Toews Ministry. Biem Music Festivel enn Winkler „wippe dee Besetjasch den gaunzen Dach met dee Teehe to dee Musitj von eene Hauntvoll lokala Musika”, schreef PembinaValleyOnline. Too dee Musika jehiede: Jon & Julie, D’Friesens en daut Glorybound Quartet, befea David Toews selwst Klock 18 met siene Band opptraut.
Toews produziet bit 40 Leeda em Joah
Fe Toews ess sien Opptritt een Deel von sienem Lewenswoatj – Musitj eenem plautdietschen Publikum toojenjlich to moake. Toews produziet 30 bit 40 plautdietsche Leeda em Joah. Dee Songs sent opp Youtube to finje. „Plautdietsche Musitj word ver tien Joah nich jespelt en nich produziet”, vetald hea PembinaValleyOnline. Daut ess aundasch jeworde. Vondoag tjene plautdietsche Mensche Musitj en eahre ejne Sproak jeneete. Dee Plautdietsche hawe nu Leeda, „dee see vestohne, dee Schwinjung speare en ahn met aundre vebinjt”, sajcht Toews.
Spende fe David Toews
Wiels hee siene Musitjoabeit nich kommerziell moake kaun – jefft to weinich waut Plautdietsch rede –, haft hee eenen Deenst jejrindt (David Toews Ministry), met dem Mensche disse Oat Musitj unjastette tjene.
Qualitet ess wichtich bie Musitj
Fe Toews ess Qualitet enne Musitj seeha wichtich. „Moa wiels et Plautdietsch ess, mottet nich enne Tjeatj oppjenohme woare”, betoont Toews. Desweajens hawe siene Produktioone Toonstudio-Qualitet. Dee Musitj omfot eene groote Palettte aun Stile von traditionelle Songs bet han to moderne County-Musitj. Daut Theema „Gott jieden Dach em Lewe enntobetratje” ess dee rooda Fodem, dee aules toophelt.
(327) Top-Titel – David Toews – YouTube
(327) Ministerio ExaltaJesus – YouTube
Plautdietsche Musitj mol aundasch: Plautdietsch-Doaginj 2018: Theema Musitj – Plautdietsch-Freunde e. V.