Enne DDR we een groota Deel vonne Mensche auls Stasi-Spitzel aum Woatj. Uck een Pastor vonne ostdietsche Mennonite jehied doatoo. Dee Doku “Gemeinde unter Beobachtung – Pastor Knuth Hansen und die Mennoniten-Gemeinde in der DDR” berecht ewa dissen schlemmen Toophang.
Film rant bie dee Plautdietsch Freunde
Jewese woat diss Film aum Sinnowend, 28. Septamba 2024, Klock 18 enn Detmold, Georgstraße 24 (August-Hermann-Francke-Gymnasium en Museum), biem Joaahrestrafe vonne Plautdietsch Freunde. Doanoh sent aula ennjelodt, ewa dee mennonitische Jeschicht enne DDR, ejne Erinnerunge en Froage to rede en diskutiere. Dee Doku thematisiert uck den Bibelschmuggel en dee illegale Druckariee enne Sowjetunion.
Deel I: Mennoniten-Jemeinde enne DDR – Dee eschta Deel berecht ewa dee isoliede Situatioon vonne Mennoniten-Jemeinde enne DDR.
Deel II: Knuth Hansen – Dee tweeda Deel befot sich met dem evangelischen Pastor Knuth Hansen, dee von 1980 bit 1990 fe den Deenst bie dee Mennonite friejestalt en butadem Stasi-Spitzel we.
Dee Erfoahrunge vonne DDR-Mennonite woare em eschten Deel vom Dokumentarfilm von Bernhard Thiessen (Regie en Skript) en Thomas Schamp (Kamera en Schnett) vetahlt.
Em Oppdrach von KGB en Stasi
Pastor Knuth Hansen word derch sienen Lewenspoatna Pfarrer Gerd Bambowsky fe daut Ministerium fe Stautssechaheit (MfS/Stasi) aunjeworwe, om den Literatuaschmuggel von Missioonsjesallschafte enne Sowjetunion to bespitzle. Dee Mennonite sull Hansen em Oppdrach vom sowjetischen Jeheimdeenst KGB en dee Stasi utspioniere. Zwoasch we oppfallich, daut hee goode Kontakte tom DDR-Staut haud, oba tjeena wull ernsthauft hantjitje. Escht derch jinjste Forschunge, nich tolatzt uck derch dissen Film, ess dee Faul oppjedatjt worde. Wan du meeha weete wellst, les dissen Berecht: Stasi-Aufarbeitung: Der Fall Pastor Knuth Hansen | Evangelische Zeitung (evangelische-zeitung.de)
Dee Doku but opp Interviews von 1992 opp, dee bit nutoo nich offiziell bekaunt were. Dee Jespreche fehd dee hollendscha Pastor Fokke Fennema, uck met dem aul vestorwnen Knuth Hansen. Butadem jefft daut noch aktuelle Interviews met niee Ertjantnisse.
DVD em Tweeback-Verlag ewa Stasi-Spitzel
Em Septamba 2024 erschient eene DVD met dem 42minutjen Dokumentarfilm: „Gemeinde unter Beobachtung – Pastor Knuth Hansen und die Mennoniten-Gemeinde in der DDR.“ DVD, 42 Minute, Sproak: Dietsch, Unjatitel: Dietsch, Englisch, Russisch. Tweeback-Verlag, Bonn 2024, 14,95 Euro,
Bestahle: www.tweeback.com , ISBN 978-3-94498595-4
Premiere: Dee Filmmmoakasch Bernhard Thiessen (Rejie en Skript) en Thomas Schamp (Kamera en Schnett) send doabie, wan aum Sinndach, 15.09.2024, Klock 10 noh dee Aundacht enne Mennonitentjoatj, Mennonitenstraße 20, 22769 Hamburg-Altona, dee Film jewese en ewa dem aktuellen Staunt vonne Forschinj jeredt woat.
Wiedere Infos: Stasi-Spitzel war Mennoniten-Pastor – Menno-Welt